Ազգային ժողովի պատգամավոր Մանվել Գրիգորյանին 25 միլիոն դրամ գրավի դիմաց ազատ արձակելու որոշման դեմ բողոքող էջմիածինցիները ժամը 16։30 սահմաններում Երևան-Էջմիածին ճանապարհը բացեցին, իսկ դեկտեմբերի 23-ին ժամը 11-ին կշարունակեն բողոքի գործողությունները:
«Մենք չենք թողնելու այսպես: Այն դատավորը, որը վճիռը կայացրել է, պետք է պատասխան տա։ Չի կարելի խաղալ մի ամբողջ քաղաքի բնակչության զգացմունքի հետ, էջմիածնեցին այդ աղբը դուրս էր շպրտել իր քաղաքից:Վարչապետ Փաշինյանն էր իր խոսքում ասել թե դատական համակարգը կոռումպացված է, այսօր մենք մեր գործողություններով պետք է նաև օգնենք վարչապետին, որպեսզի կոռումպացված դատավորները դուրս մղվեն համակարգից: Փաստորեն այս դեպքը հենց այդ դրսևորումներից է»,- Armlife. am-ի հետ զրույցում ասաց Հակոբ Հակոբյանը: Մանվելը ըստ դատավորի ունի այնպիսի հիվանդություն, որ անհամատեղելի է կալանքի հետ, բայց Հակոբ Հակոբյանը չի հավատում այդ փաստարկին և հիշեցնում է լրագրողի հարցը Մանվելին` կալանքից դուրս գալուց անմիջապես հետո, ու այսպես ասած հիվանդ կալանավորի պատասխանը.
«Լրագրողի այն հարցին, թե ինչպես եք, Մանվելը պատասխանում է` շատ լավ.
Մանրամասները տեսանյութում.
«Մենք օրենքի շրջանակներում շարունակելու ենք պայքարել Մանվել Գրիգորյանի կալանավորման, մեր երկրում արդարադատություն հաստատելու համար»,-ասում է Հակոբ Հակոբյանը ավելացնելով. «Մենք այսօր դեռ սպասում ենք, որ դատարանը բացահայտի Մանվելի և նրա ընտանիքի կողմից կատարած թալանն ու հանցագործությունները:Էջմիածնի նոր քաղաքապետը խոսում էր 590 միլոն դրամ յուրացնելու մասին, իսկ թե ինչ գործողություններ են նախատեսվել այդ յուրացման համար, ոչինչ չի ասվել: Էջմիանեցին այսօր սպասում է համապատասխան մարմնի որոշմանը, կեղծ փաստաթղթերով արված բազմաթիվ շինարարությունների բացահայտմանը, և ոչ թե Մանվելին ազատ արձակելուն:Վերաքննիչ դատարանը պետք է արդարամիտ որոշում կայացնի և Էջմիածնեցին խաղաղ ձևով նորից այդ աղբը դուրս կշպրտի իր քաղաքից»,- ասում է Հակոբ Հակոբյանը:
Մանրամասները` տեսանյութում
https://youtu.be/dPui_ILTONA
