Հոկտեմբերի 14-ին, ժամը 23:30-ին «911» ծառայությանն ահազանգ է ստացվել, որ Երևան քաղաքի Խարբերդի ամառանոցների 10-րդ փողոցի թիվ 74/30 տան մոտակայքում գտնվող տներից մեկի բնակիչը ընկած է բակում և չի արձագանքում կանչերին և դռան թակոցներին. անհրաժեշտ է փրկարարների օգնությունը: Այս մասին հայտնում են ԱԻՆ-ից:
Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Փրկարարները բացել են դարպասի դուռը և բակում՝ աստիճանավանդակների վրա, հայտնաբերվել Խ. Պ.-ի (ծնված 1950 թ.) դին:
Հոկտեմբերի 14-ին, ժամը 20:38-ին «911» ծառայությանը մեկ այլ ահազանգ է ստացվել, որ Երևան քաղաքի Հալաբյան փողոցի թիվ 25 շենքի բնակարաններից մեկի բնակիչը չի արձագանքում դռան թակոցներին և հեռախոսազանգերին. անհրաժեշտ է փրկարարների օգնությունը:
Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Փրկարարները բացել են բնակարանի դուռը և խոհանոցի հատակին հայտնաբերել Գ. Գ.-ի (ծնված 1930 թ.) դին:
