ՀՀ գլխավոր դատախազի նախկին տեղակալ Արմեն Դանիելյանը Ֆեյսբուքի իր էջում գրել է.
Դատական համակարգի որոշ ներկայացուցիչներ մեր օրերի ամենակարկառուն հակահեղափոխականներ են: Սա այլևս անվիճելի փաստ է: Նրանք իրենց անպատասխանատու որոշումներով ստվերում են անաչառ և արդար դատավորների բարի համբավը: Տխրահռչակների այդ տեսակը ոչ մի կերպ չի հրաժարվում նախկին տերերին ծառայելու դեռևս գայթակղիչ թվացող մտքից: Եվ դա բնավ էլ պատահական չէ, քանզի ոչինչից միանգամից կարգվել են դատավոր: Նման անպատասխանատու դատավորների կողմից ընդունած արկածային որոշումներն ամիսներ անց հայտնվելու են Մարդու իրավունքների եվրոպական դատարանում: Իսկ թե ինչ ծանր է նստում այդ դատարանի որոշումները մեր երկրի պետական բյուջեի վրա, այլևս ցավալի իրողություն է: Հարկատուների հաշվին անպատասխանատու և հումորային որոշումներ կայացնող դատավորները դարձել են լուրջ մարտահրավեր, իսկական պատուհաս մեր ժողովրդի և արդարադատության համար:
Հ.Գ. Այս գրառումը բնավ էլ սպառնալիք չէ, այլ պարզապես հորդոր է՝ հասցեագրված այն դատավորներին, ովքեր արդարադատությունը ՛՛գրպանում են՛՛ իրենց ոչ սկզբունքային գործունեությամբ…
