Հայաստան-Սփյուռք 6-րդ համաժողովի մասնակիցներից՝ ԱՄՆ-ում բնակվող նախկին գործարար Զարեհ Պալյանի կարծիքով՝ Սփյուռքն այսօր վստահություն չունի Հայաստանի իշխանությունների նկատմամբ, թեև ինքն անձամբ է ցանկացել մասնակցել համաժողովին, որպեսզի ներկայացնի իր ծրագիրը. «Ես 4 անգամ փորձել եմ գործարարությամբ զբաղվել, 4 անգամ էլ, այսպես ասած, թալանվել եմ, ամեն անգամ մոտ 15-30 հազար դոլար»,-նշեց նա՝ մանրամասնելով, թե ինչպես է իրեն թալանել մեղվապահը. «Ես 200 հատ մեղվափեթակ գնեցի, 200-ից երեքի տակը կշեռք էի դրել, այդ երեքից ամեն մեկը 40-45 կգ մեղր տվեցին, մնացածը՝ 10 կգ-ից ավել չտվեցին: Խնդրեմ՝ թալանեց, մարդը տարավ իր ավտոմեքենայի մեջ դրեց, հետո տարավ իրենց գյուղ»,- նշեց նա:
Ըստ Զարեհ Պալյանի՝ քանի դեռ մարդկանց մոտ չեն վերահաստատվել հոգեբարոյական ազնվական արժեքներ՝ երկիրը շարունակելու է գնալ գահավիժող անդունդ: Նախկին գործարարը չի հավատում, որ այսօր Հայաստանում բարելավում է ներդրումային միջավայրը: Զարեհ Պալյան փոփոխություն չի զգում նաև վերջին մեկ տրավա ընթացքում. «Երբեք չեմ հավատում իրենց խոսքերին, էնքան սխալ բաներ են արել, որ անհնար է հավատալ»:
ArmLife.am
