Search
Close this search box.

«Ժամանակ». Թուֆենկյանի մոտ հրազենային վիրավորում ստա­ցած Վահագն Աբգարյանը Լոռու մարզպետի կրիմինալ շրջապատի պարագլուխն է

«Ժամանակ» թերթը գրում է.««Ժամանակ»-ի տեղեկություն­ներով՝ երեկ Թուֆենկյանի մոտ հրազենային վիրավորում ստա­ցածը հայտնի քրեական հեղինա­կություն Վահագն Աբգարյանն է, ում անունը Ալավերդիում մի շարք աղմկահարույց դեպքերի հետ է կապվում: Սպանված Գագիկ Մոսինյանը, ով ավելի հայտնի էր «Կակուլ» մականունով, ևս նրա թիմից էր: Վահագն Աբգարյանը Լոռու մարզպետ Արթուր Նալբանդյանի կրիմինալ շրջապատի պարագլուխն է: Ալավերդցիները մեզ պատմեցին, որ Վահագն Աբգարյանը մարզպետի հետ շատ լավ հարաբերություններ ունի: Մարզպետի բոլոր սև գործերը հենց Աբգարյանի ձեռամբ են կա­տարվել: Դե իսկ ընտրություննե­րին մշտապես ձայն բերողի դե­րում է եղել: Իսկ Նալբանդյանը մշտապես «կրիշ է եղել» ալավերդցի Վահագնի համար: Արթուր Նալբանդյանը երեկ ողջ օր­վա ընթացքում ընդհատակ էր անցել, չէր պատասխանում ոչ մի հեռախոսազանգի: Իսկ Ալավերդիի քաղաքապետ Կարեն Փարեմուզյանը, որը նոյեմբերի 5-ի ընտրություններում կրկին պատ­րաստվում է առաջադրվել քաղաքապետի պաշտոնում, ձևացրել է, թե ոչ մի բանից տեղյակ չէ, ոչ էլ լսել է, որ նման կրակոցներ են հնչել»:

Մանրամասը՝   թերթի այսօրվա համարում: