ԱԺ «Ելք» խմբակցության նորընտիր պատգամավոր Ալեն Սիմոնյանը վստահեցնում է, որ չի միջնորդել ԱԱԾ պետի պաշտոնում Արթուր Վանեցյանի նշանակման համար:
«ԱԱԾ պետին նշանակել է վարչապետը: ԱԱԾ պետին ես ճանաչում եմ 15 տարեկանից և, ներեցեք, 15 տարեկանում չգիտեի, որ ես պատգամավոր եմ լինելու, իսկ ինքը, ենթադրում եմ, չգիտեր, որ ԱԱԾ աշխատակից է լինելու: Ես իրեն գիտեմ որպես լավ սպա և միայն ուրախ եմ, որ ընտրությունը կանգնեց իր վրա: Իսկ իմ միջնորդությունը որևէ ձևով չի եղել»,- ԱԺ-ում լրագրողների հետ զրույցում ասաց Ա.Սիմոնյանը:
Անդրադառնալով «Ելք» խմբակցության ղեկավարի հարցին, ապա պատգամավորը նշել է, որ այդ պաշտոնում նախընտրելի թեկնածուն իրենց համար Լենա Նազարյանն է: Նա խոստովանել է, որ խմբակցության մյուս գործընկերների հետ տարաձայնություններ եղել են, սական կարողացել են դրանք լուծել:
