Արցախում նախորդ տարի սկսվել եւ այժմ ակտիվ ընթացքի մեջ է Ստեփանակերտի նախկին ղարմետաքսկոմբինատի տարածքում կառուցվող բազմաբնակարան (ընդհանուրը` 20 բնակարան) շենքի շինարարությունը, որը նախատեսված է պաշտպանության բանակում ծառայող սպաների համար:
Արցախի քաղաքաշինության նախարարության փոխանցմամբ, նախագծով նախատեսված 7 հարկանի շենքի 2 հարկը լինելու է ստորգետնյա, 5-ը` վերգետնյա բնակելի: Բնակարանները հիմնականում 2 եւ 3 սենյականոց են: Այժմ աշխատանքներ են տարվում 4-րդ հարկի պատերի շարվածքի ուղղությամբ:
Այս շենքի շինարարությանը զուգահեռ, հարեւանությամբ կառուցվում է եւս մեկը` նույն նախագծով: Կատարվել է տարածքի հարթեցում եւ հիմքի կառուցում:
Շինարարության ավարտից հետո կբարեկարգվի ընդհանուր տարածքը, կկառուցվի խաղահրապարակ:
Նշենք, որ առաջին շենքը նախատեսվում է շահագործման հանձնել 2018-ին:
