«Սիստեմատիկ կերպով Հանրապետական խմբակցության կենտրոնի յարուսի վերջին շարքում 5 հոգով 8 հոգու կամ 7 հոգու տեղ քվեարկում են»,- ԱԺ-ում քվեարկությունների ժամանակ հայտարարեց «Ելք» խմբակցության պատգամավոր Նիկոլ Փաշինյանը:
Դիմելով ԱԺ նախագահ Արա Բաբլոյանին՝ նա պահանջեց վերականգնել քվեարկության պատկերը և վերջում նստածների դեմ կիրառել համապատասխան միջոցներ:
«Բացակա պատգամավորների քվեարկությունը չեղյալ համարեք, որովհետև նրանց փոխարեն գրանցվել են: Էս էլ հո Մալաթիայի շուկան չի՞, որ մանիպուլյացիաներ անեն»,- ասաց պատգամավորը: