Իրանի հյուսիսում 4.4 մագնիտուդ ուժգնությամբ երկրաշարժ է տեղի ունեցել, հայտնում է Եվրոպական միջերկրածովյան սեյսմոլոգիական կենտրոնը:
Տեղեկության համաձայն՝ ստորգետնյա ցնցումների էպիկենտրոնը գտնվել է մայրաքաղաք Թեհրանից 180 կմ դեպի արևելք: Մինչդեռ օջախը գտնվել է 8 կմ խորության վրա:
Նշվում է, որ երկրաշարժի հետևանքով տուժածների և փլուզումների մասին տեղեկություն չկա:
Հայտնի է, որ դրան նախորդել է իրանա-իրաքյան սահմանին տեղի ունեցած 3.8 մագնիտուդ ուժգնությամբ երկրաշարժը:
Հիշեցնենք, որ նոյեմբերի 11-ին Իրանում գրանցվել էր վերջին տասնամյակում ամենահզոր երկրաշարժը, որը խլել է ավելի քան 500 մարդու կյանք:
