Ավան և Նոր Նորք վարչական շրջանների ընդհանուր իրավասության դատարում, այսօր ժամը 11.00-ից ձգձգվում էր «Սասնա ծռերի» դատական հերթական նիստը, քանի որ փաստաբանները հրաժարվում էին կատարել դատական կարգադրիչների պահանջը՝ բացել պայուսակները:
Նախագահող Արտուշ Գաբրիելյանը դատական նիստն ընդմիջեց 30 րոպեով: Ընդմիջումից հետո ներկաները «Սասնա ծռերի» անդամներին դիմավորեցին ծափողջյուներով:
Դատական նիստի ընթացքում, դատավոր Արտուշ Գաբրիելյանը դատական սանկցիա կիրառեց և նիստերի դահլիճից հեռացրեց Արայիկ Խանդոյանին: Դատավորը հայտարարեց, որ նա անհարգալից վերաբերմունք է դրսեւորել դատարանի նկատմամբ, մինչդեռ Խանդոյանի պաշտպանը հակադարձեց. «Հարգելի դատարանը՝ իմ պաշտպանյալը ջուր է ցանկանում, քանի որ առողջական խնդիրներ ունի»:
Այնուհետև, դատավորը նիստը ընդմիջեց 45 րոպեով: Նա գնաց խորհրդակցական սենյակ՝ քննարկելու փաստաբանների զննության հետ կապված այն արձանագրությունները, որով նրանք հրաժարվում էին դատական կարգադրիչների առաջ բացել և ցուցադրել իրենց պայուսակները:
ArmLife.am