ՀՀ կառավարությունը Պետական պահպանության ծառայությանը կհատկացնի լրացուցիչ 50 մլն դրամ արտասահմանյան գործուղումների ընթացքում բարձրաստիճան պաշտոնատար անձանց ուղեկցող պետական պահպանության ծառայողների գործուղման ծախսերը հոգալու նպատակով:
Գումարը հատկացվելու է պահուստային ֆոնդի հաշվին (բյուջետային ծախսերի տնտեսագիտական դասակարգման «Արտասահմանյան գործուղումների գծով ծախսեր» հոդվածով) :
Հատկացվելիք միջոցներն ուղղվելու են ՊՊԾ ծառայողների 2017թ. երրորդ և չորրորդ եռամսյակի գործուղման ծախսերը վճարելուն: Ընդ որում հավելյալ 50 մլն-ից 35 մլնը տրվելու է առաջին 9-ը ամսում, այսինքն՝ մինչև սեպտեմբերի վերջ: Թե հատկապես ինչով է պայմանավորված գործուղումների քանակի և ծախսերի ավելացումը, որոշման նախագծում չի նշվում:
Պետական պահպանության ծառայության ուղեկցումը գործողումների ժամանակ պարտադիր է ոչ բոլոր պաշտոնյաների համար. այդ ծառայությունն ապահավվում է նախագահի, վարչապետի, ԱԺ նախագահի, ՊՆ նախարարի համար: