Search
Close this search box.

Սերժ Սարգսյանը և Կարեն Կարապետյանը օր առաջ պետք է հեռանան

«Ելք» խմբակցության պատգամավոր Մանե Թանդիլյանը կարծում է, որ Սերժ Սարգսյանը հավակնում է վարչապետի պաշտոնին եւ նախկինում արած նրա արտահայտությունները, թե չի հավակնի վարչապետի պաշտոնին, հանրությանը մոլորեցնելու համար են արվել: NEWS.am-ի հետ զրույցում պատգամավորը վստահեցրել է, որ ամեն ինչ նախապես պլանավորված է եղել եւ երբեք էլ Սերժ Սարգսյանը չի հրաժարվել երկիրը ղեկավարելու մտքից:

«Ես վստահ եմ, որ ամեն բան նախապես պլանավորված է եղել եւ հանրությանը մոլորեցնելու համար տարատեսակ ինտրիգներ են հյուսվել՝ ցույց տալու, թե Սերժ Սարգսյանը կարող է հեռանալ, բայց պետության շահը պահանջում է, որ նա մնա: Սերժ Սարգսյանի՝ սեփական խոսքերից հետ կանգնելու եւ իր իշխանությունը հավերժացնելու ձգտումը ամբողջությամբ համապատասխանում է հենց այն ավտորիտար տրամաբանությանը, որի մեջ գտնվում են ԵՏՄ երկրները, ի դեմս՝ ավտորիտար առաջնորդներ Լուկաշենկոյի, Նազարբաեւի եւ Պուտինի»,-ասում էսաց Մանե Թանդիլյանը:

«Ելք» խմբակցության պատգամավորը կարծում է, որ ներկայիս նախագահը եւ վարչապետը չեն կարող ապահովել Հայաստանի երկարաժամկետ զարգացումը. «Ոչ Սերժ Սարգսյանը, ոչ Կարեն Կարապետյանը չեն կարող ապահովել Հայաստանի երկարաժամկետ եւ ապահով զարգացումը եւ օր առաջ պետք է հեռանան իշխանության ղեկից»: