Սերժ Սարսյանի ելույթը սպասված ելույթ էր, քանի որ երկար տարիներ բոլորս գիտենք, որ ունենք գող ու թալանչի համայնքի ղեկավարներ, որոնք բոլորի աչքի առաջ են հարստացել: Այս մասին խորհրդարանական ճեպազրույցների ժամանակ ասաց ԱԺ Ելք խմբակցության պատգամավոր Էդմոն Մարուքյանը՝ հավելելով, որ եթե ինքը Գլխավոր դատախազ լիներ, Սերժ Սարգսյանի ելույթը որպես հացանգործության մասին հաղորդում կընդուներ:
«Թալանել են ինչպես կարողացել են, թալանել են առանց հանգստանալու, շունչ քաշելու, ծարավի պես են թալանել, դա բոլորս գիտեինք: Եվ այս հայտարարությամբ Սերժ Սագսյանն արձանագրեց, որ բարձր իշխանությունը տեղյակ է եղել թալանի մասին, իրավապահ մարմիններն իրենց տեղում են գտնվել, քրեական գործեր են եղել, բայց երբ հասել է նրան, որ մարդը պետք է դատապարտվի, և ինչ-որ մարզպետ, տարածքային կառավարման նախարար, չգիտեմ ով միջնորդել է, այդ մարդկանց ներել են: Բայց կարող են նաև դեպքեր լինել, որ որոշ գործերով քրեական գործեր էլ չեն հարուցվել, միջնորդել են: Սերժ Սարգսյանն ասում է՝ ներել ենք, որովհետև մտածել ենք, որ պետք է տեղական ինքնակառավարումը կայանա, և կարող են այդ ընթացքում թերություններ լինել: Բայց ՏԻՄ-ը չի կայացել, կայացել է թալանչիների մի մեծ խումբ, որը հետագայում ծառայություններ է մատուցել ամեն ընտրության ժամանակ: Եվ իրականում նրանք ներվել են այն բանի համար, որ լավ են ձայներ հավաքում, ընտրակաշառքը բաժանում», ասաց Էդմոն Մարուքյանը:
Նա նշեց, որ նրանք առաջին հերթին ՀՀԿ անդամներն են, և ամենաբարձր իշխանությունն այդ ծառայությունների համար ներել է նրանց:
Մարուքյանը հավելեց, որ այս հայտարարությամբ փաստորեն Սերժ Սարգսյանը համայնքապետերին ասում է՝ մինչև Նոր տարի ինչ կարող եք, արեք:
Menu
