«Նաիրիտ» գործարանի «կաուչուկի» արտադրամասին նախկին ղեկավար Գագիկ Ավետիսյանի փոխանցմամբ՝ օրեր առաջ գործարանում այրվող լաքէթինոլը՝ մաքուր օրգանական նյութ է, որը լրիվ այրվելու ժամանակ արձակում է ածխաթթու գազ և ջուր. «Եթե ծխի մեջ այրվող ծանր մետաղական էլեմենտներ լինեին՝ այդ ծուխն այդքան վերև չէր բարձրանա, իջնելու էր ներքև: Երկրորդ՝ այդ նյութը, որ կար, ուղղակի ստիպված են հավաքել գործարանից, ժամանակին այս հարցը միշտ բարձրացվել է Կառավարության առջև, որ բերեք էս նյութի հարցը լուծենք, սա կողմնակի նյութ է ՝ քլորոպրեն ստանալու համար»: Գ. Ավետիսյանի համոզմամբ՝ այդ ծուխը վտանագավոր չէ, ինչպես ներկայացրել են որոշ մասնագետներ:
Այլ հարց է, որ գործաարանն ունի անվտնագության կանոնների պահպանման լուրջ խնդիր: «Կաուչուկի» արտադրամասին նախկին ղեկավար Գագիկ Ավետիսյանը համաձայն չէ «Նաիրիտի» տնօրեն Ռուբեն Սաղաթելյանի այն կարծիքին, թե գործարանում այսօր էլ պահպանվում են անվտանգության կանոնները. «Ճիշտ չի ասում, եթե գործարանում հերթափոխով մնում է 1 հոգի, ինչ կարող ենք պահանջել այդ մարդուց, եթե ոչ բարձր ճնշման ջուր կա, որը միշտ առկա է եղել գործարանում՝ ձմեռ, ամառ, որ հրդեհամարման մեքենաները ցանկացած կետից կարողանան ջուր վերցնեն, իսկ հիմա ինչ էր կատարվում, մեր հրշեջները՝ ջուրը դատարկելուց հետո, մեքենան հանում էին գործարանից, գնում էին ինչ-որ տեղից ջուր լցնում ու գալիս: Մարդկանց հանում են, հետո էլ որ մի հասարակ դեպք է պատահում, ասում են՝ մենք ամեն ինչ լուծել եք: Չե՛ք լուծել, եթե լուծած լինեիք՝ այդ 120 հեկտարի վրա, գոնե, ոչ թե ձեր ասելով 200, այլ 500 մարդ պետք է աշխատեր, որ առնվազն ամեն արտադրամսում 2 հոգի լիներ»,-նշում է «կաուչուկի» արտադրամասին նախկին ղեկավար՝ շեշտելով, թե Էդ մեկ մարդն, ինչպե՞ս է կարողանալու լուծել ամբողջ գործարանի անվտանգության հարցը:
Armlife.am