Սրտի ամերիկյան ասոցիացիայում պարզել են, որ սուրճի օգտագործումը կարող է նվազեցնել սրտի հիվանդությունների եւ ինսուլտի վտանգը: Ուսումնասիրության արդյունքները հրապարակված են EurekAlert կայքում։
Գիտնականները պնդում են, որ շաբաթվա ընթացքում խմած յուրաքանչյուր լրացուցիչ բաժակ սուրճը ինֆարկտի ռիսկը նվազեցնում է յոթ տոկոսով, իսկ ինսուլտինը՝ ութ տոկոսով: Մասնագետներն այս եզրակացության են եկել մեքենայական ուսուցման օգնությամբ՝ օգտագործելով երկարաժամկետ Ֆլամինգեմյան հետազոտությունը, որը տեղեկատվություն է ներառում մարդկանց սննդի ռացիոնի եւ նրանց սիրտ-անոթային համակարգի վիճակի վերաբերյալ:
Այնուհետեւ գիտնականները մեքենայական ուսուցման օգնությամբ ստացված տվյալները համեմատել են անալիզի ավանդական եղանակներով ստացված տվյալների հետ եւ կապ են գտել սուրճի օգտագործման եւ ինֆարկտի ու ինսուլտի ցածր ռիսկի միջեւ, հաղորդել է ՌԻԱ Նովոստին:
