Հայաստանի առաջնության 12-րդ տուրում «Ալաշկերտը» սեփական հարկի տակ ընդունել էր «Արարատին»:
Հանդիպումն անցավ տանտերերի առավելությամբ: Առաջին խաղակեսի մի շարք գրոհները հաջողվեց գոլի վերածել միայն 45-րդ րոպեին: Աչքի ընկավ Միհրան Մանասյանը: Երկրորդ կեսում պատկերը չփոխվեց: 71-րդ րոպեին Մանասյանը կարողացավ դուբլի հեղինակ դառնալ և հաղթանակ պարգևել իր թիմին: Հարձակվողը ընթացիկ մրցաշրջանում իր գոլերի քանակը հասցրեց հինգի:
«Ալաշկերտ»-«Արարատ»՝ 2:0
Գոլերը՝ Մանասյան (45,71)
Այս խաղից հետո «Ալաշկերտը» վաստակեց 26 միավոր և շարունակում է միանձնյա գլխավորել մրցաշարային աղյուսակը: «Արարատը» մնաց իր 6 միավորով և գտնվում է վերջին հորիզոնականում: