Գերմանիայում աճել է նոր տիպի 2019-nCoV կորոնավիրուսով վարակվածների թիվը։ Այս մասին հաղորդում է ՌԻԱ Նովոստին։ Նշվում է, որ այս հիվանդության ևս երեք դեպք է հաստատվել Բավարիայում։
Նշվում է, որ նրանք բոլորը աշխատել են միևնույն ընկերությունում առաջին վարակվածի հետ։ Այդպիսով վարակվածների թիվը չորսի է հասել։
2019 թվականի դեկտեմբերի 31-ին չինական իշխանությունները հաղորդեցին Ուհան քաղաքում թոքաբորբի համաճարակի մասին։ Հիվանդության հարուցիչը կորոնավիրուսի նոր 2019-nCoV տիպն է։ Վերջին տվյալների համաձայն Չինաստանում վարակվածների թիվը 4,5 հազարի է հասնում։ Ավելի քան 100 մարդ մահացել է։
